3 Best Habits of Rich People in Hindi 3 Signs that you will become Rich

Dunya mein bohot se log hain jo apni mehnat aur achhi aadton k saath apni zindgi ko badalte hain.Rich log apni routines, habits aur mindset ki waja se kamyab hote hain.

 

3 Best Habits

Kaamyabi koi haadsa nahin hoti

Aik achhi zindgi kabhi bhi

by chance nahin milti

Apni zindgi ko khud achha bnana parta hai

Kaamyabi aik process ka naam hai

Aik qanon aik asol

Aik zaabte ka naam hai

Aik raaste par chalne ka naam hai

Wo raasta jo bara he waaze hai

Wo raasta jis par chal kar sadyon

Se log kaamyab ho rhe hain

Jis par chal kar koi bhi kaamyab ho sakta hai

Aap bhi ho sakte hain

 

Dosto aaj k is article mein main aap ko

Kaamyab logon ki zindgyon k 3asol bataon ga

Agar aap bhi un asolon par amal krein ge to

Aap ki aane wali zindgi kaamyabyon aur

Khushyon se bhar jai gi

 

Asol No.1 Kuchh Bhi Aisa Nahin

To dosto pehla asol ye hai

is dunya mein kuchh bhi aisa nahin hai

Jo aap sache dil se hasil karna chaho

Aur hasil na kar sako.

 

Dosto zindgi mein aap k paas kiya hai

Aur kiya hoga

Ye aap par Depend karta hai

Aap zindgi mein kitne kaamyab honge

Kitne ameer ban pao ge

Kiya ban pao ge kiya kar pao ge

Ye sab aap par Depend karta hai

 

Bohot se log apni zindgi mein

Bohot achhi job bohot achhi life

Bohot achhi gaari ka

Khwab bhi nahin dekh paate

Wo kehte hain k nahin nahin

Ye cheezein mujhe kese mil sakti hain

Ye na mumkin hai

Main to is qaabil he nahin ho

Main to aik Average hon

Dosto hamesha yaad rakhna

K aap ki limits wohe hain jo aap k Brain ne

Aap k liye set kar di hain

Warna aap ki koi limits nahin

Agar

Zindgi mein agar aap ko

Aage barhne se koi rok sakta hai

To wo aap khud hain

Aap ka Mind Set hai

Warna to is dunya mein kuchh bhi aisa nahin hai

Jo agar aap haasil krna chahte ho sache dil se

To haasil nahin kar sakte.

 

Agar aap ko is baat par yaqeen nahin hai

To aap ko yaqeen karna hoga

Agar aap kaamyab hona chahte hain

To aap ko yaqeen karna he pare ga

 

Aik na aik din haasil kar he longa manzil

Thokrein he hain zehr to nahin

Jo kha kar mar jaon ga.

 

Asol No.2 Apna Rasta khud Chuno

Dosto dosra asol ye hai k

apna raasta khud chuno

 

Tum ne apni zindgi mein kiya karna hai

Is baat ko hamesha khud he select karna

 

Logo ki rai ko logon k mashwaron ko

Kabhi bhi apne upar asar andaz na hone dena

Tumhare liye kiya achha hai ye tum se behtar koi nahin janta

Bas tumhein apni zaat par aitmaad hona chahye

Jis trah tofan aik mazbot pathar ko nahin hila sakta

Bilkul isi trah agar aap ko apni zaat par aitmaad hai

To aap har tofan se takra sakte hain

Har mushkil ka saamna kar sakte hain

Is liye apna raasta khud chun’na

Aur apne raaste par focus karna

Kisi dosre k decision ko

kabhi bhi apna decision na samjhna

tumhare peechhe awazein ayengi

k tum sahi nahin kar rhe

ye raasta bohot mushkil hai

tum is par nahin chal pao ge

tum nakam ho jao ge

lekin tum kisi ko bhi ye authority na dena

k wo tumhari life ko control kare

tum bas khud par yaqeen rakhna

sirf apne andar ki awaz sun’na

aura age barhte rehna

hamesha yaad rakhna k

tum zindgi mein kabhi bhi kaamyab nahin ho sakte

jab tak tum wo kaam na karo

jo tum dil se karna chahte ho

is liye agar tum kaamyab hona chahte ho

to apna raasta khud chunno

kisi k banai hoe raaste par

kabhi na chalo.

 

Asol No.3 Zindgi ka Control

Apni zindgi ka control hamesha apne haath mein rakhna

Aur aap apni zindgi ko control tabhi kar painge

Jab aap apni zindgi ki zimadari khud lenge

 

Apne dukhon ki apni nakamyon ki

Apni pareshanyon ki zimadari

Jab tak aap dosron par dalte rhenge

Jab tak aap apni nakami ka zimadar logon ko tehrate rhen ge

Aap apni life ko kabhi control nahin kar painge

Aap kabhi kaamyab nahin ho painge

 

Ye aik karwi sachai hai k

Jab ham kaamyab hote hain

To apni waja se hote hain

Ham us ki zimadari khud lete hain

Aur jab ham nakaam hote hain

To logon ki waja se

Ham logon ko us nakami ka zimadar thehrate hain

Ham logon par ilzaam lagate hain

Ham Excuses banate hain

 

Hamesha yaad rakhna k kaamyab log

kabhi bhi Bahane nahin banate aur

na he apni Nakami ka ilzaam dosron par lagate hain

wo hamesha ye sochte hain

is baat par focus karte hain

k wo kiya kar sakte hain

wo apni cheezon ko kese behtar kar sakte hain

wo apne role par apne contribution par focus karte hain.

 

Hamesha yaad rakhna k

Kaamyabi ka raasta mushkil hota hai

Sakht aur pathrila hota hai

Jese aap kisi unchi pahari par charh rhe hon

Lekin agar us unchai par charhte hoe

aap ki kamar par Excuses ka bojh bhi hai

aap ki kamar bahanon k bojh se jhuki hoi hai

to aap kabhi bhi kamyabi ki seerhyan

nahin charh painge

kaamyab hone k liye

aap ko wo bojh utaar kar he phenkna hoga

 

jis din aap ye samjh gai

k aap he apni abtak ki guzri hoi zindgi k zimadar hain

aur aap he apni aane wali zindgi k zimadar hain

to wo lamha aap ki zindgi ka turning point hoga.