Haar Mat Mano Q K Haarna Mana Hai Powerful Motivation
Dosto zindgi mein haar ka saamna karna parta hai. Lekin tum haar mat mano q k haarna mana hai yaani haar ko apni jeet mein badalna sab se zarori. har haar kuchh naya seekhne ka moka deti hai har girna hamein uthne ka sabaq deta hai.
Haar Ko Seekhne Ka Moka Samjho
haar mat mano q k haarna mana hai
haar ka matlab kabhi bhi khatam hona nahin hota
jab aap kisi cheez mein haar jate hain
to ye aap k liye aik moka hota hai seekhne ka.
Dosto har mistake dosto har failure aap ko
kuchh naya sikhaata hai
ye samajh kar tum apni ghaltyon ko sudhaar sakte ho
aur tum apne goals k nazdeek ja sakte ho.
is liye haar ko apni progress ka aik hissa samjho.
Agar Asaanya Dhondo ge?
Dosto zindgi mein asaanyan dhondo ge
To kabhi asaani nahin mile gi
Asaani chahye
To in mushklon se piyar karna pare ga
In ko he asaan banana hoga
Yehi mushklein he aap ko jeena sikhain gi.
Zindgi har roz hamare liye
Ik nai mushkil le kar aye gi
Ik naya imtihaan hamare samne hoga.
Hamesha yaad rakhna k
Zindgi mein aane wali mushkein bari nahin hoteen ahm nahin hoteen
Ahm hamara tareeka hota hai
Un mushklon ko deal karne ka
Hamara wo tareeka he un mushklon ko
Chhota ya bara banata hai
Ham ya to un mushklaat se bhagein ge
Haar maan lenge
Aur ya phir dat kar
Khare hokar
Un mushklaat ka saamna karein ge
Haar nahin maanein ge
Aur jo haar nahin maante
Wo ya to jeet jate hain
Ya phir kuchh seekh jate hain
Zindgi unhein kabhi bhi hara nahin paati
Is liye sabar rakho
Aur khud par yaqeen rakho
Har cheez asaan hone se pehle
Mushkil hoti hai
Har din achha nahin ho sakta
Par har din
Kuchh na kuchh achha zaror hota hai.
Kal agar tumhare saath kuchh bura hoa tha
To us k liye aaj pareshaan mat ho
Aaj aik naya din hai
Is ko naye jazbe k saath shuro karo
Himmat karo
Apne khwabon ko pora karo
Aur jeet kar dikhao.
Zindgi mein jo cheez tum dil se chahte ho
Jis cheez k baare mein tum
Sochna nahin chhor sakte
Us cheez k liye kabhi haar mat maan’na
Aur hamesha yaad rakhna k
Jo shuro nahin kar paate
Wo buzdil hote hain
Aur Jo khatam nahin kar paate
Wo kamzor hote hain
Aur jo haar nahin maante
Jo koshish karte rehte hain
Jeet hamesha unhi ki hoti hai.
Soraj gharoob zaror hota hai
Lekin agle din phir se nikalne k liye
Andhera apne saath
Ik nayi subha le ka aata hai
Bilkul isi trah
is baat par yaqeen rakhna k
“ Har mushkil k saath asaani zaror hoti hai ”
Jis trah chai ko jab tak
Kholte hoe paani mein na dala jai
Uske asli rang ka pat’ta nahin chalta
Bilkul isi trah
Mushklaat aur azmaishon se guzre bina
insaan kabhi kaamyab nahin hota.
Kisi insaan ki himmat
Taqat aur qeemat ka andaza
Hamesha mushkil waqat mein he hota hai
Agar aap ke andar
mushkil waqat ka saamna karne ki himmat hai
agar aap musibat k waqat dat sakte ho
to aap ki ye khobi aap ko kabhi haarne nahin degi.
Is liye zindgi mein agar mushklein aein
To hans kar un ka saamna karo
Mushklaat se agar ghabrao ge
To mushklein tumhein tor deingi
Lekin agar un k saamne dat jao ge
To wo mushklein tumhein jeena sikhain gi
Tumhein kaamyabi ka raasta dikhain gi.
Aik Qeemat
Hamesha yaad rakhna k
Har cheez ki aik qeemat hoti hai
Kaamyabi ki bhi aik qeemat hai
Aur wo qeemat chukai bina
kabhi kaamyabi nahi milti
Is liye zindgi mein agar
wo haasil karna chahte ho
Jo aaj tak hasil nahin kar sake
To zindgi mein phir wo karna pare ga
Jo aaj tak tum ne nahin kiya.
