How To Change Negative Thinking To Positive? In Hindi Mind Changing Speech
Negative thinking hamari life ko bohot affect kar sakti hai, Agar aap har waqt apni life mein problems aur challenges hi dekhte hain ye aap ki growth aur happiness ko rok sakti hai. Aap pareshaan na hon Negative thinking ko positive mein badla ja sakta hai. To phir Jante hain How To Change Negative Thinking To Positive?
Zindgi Har Baar Dukh Nahin Deti
Dosto zindgi har bar hamein dukh nahin deti
Baaz dafa dukh hamein hamari
Negative soch de rahi hoti hai
Hamara cheezon ko dekhne ka andaaz
Hamara rawya hamein dukh pohnchata hai
Apne Jazbaat Control Mein Rakho
sab se pehli baat jab koi aap ki insult karta hai.
to aap ko apne emotion pe control rakhna hoga.
Rude log aksar hamare jazbaat ko uksaate hain
ta ke aap un k level pe aayein.
agar aap un ko jawab ghusse ya mayosi se denge, to ye
unko moka det hai aap ko hurt karne ka
aap ghamand se door raho, aur sabar karo pur skoon raho
Kisi ne kiya khob kaha hai k
Kaanton aur chaaqo ka naam to
Be waja he badnaam hai
Warna chubhti to nighain bhi hain
Aur kaatтАЩti to zabaan bhi hai
Hamesha yaad rakhna┬а k
Insaan ki soch aik
Maqnatees ki trah hoti hai
Agar aap ki soch positive hai achhi hai
To achhi chezein aap ki traf khechna shuro ho jain gi
Ache log aap k saath jurna shuro ho jain ge
Is liye agar aap chahte hain
K aap saath hamesha achha ho
To achha sochna shuro kardo
Q k pareshaani halaat se nahin
Khayalaat se paida hoti hai.
Q darein k zindgi mein kiya hoga
Har waqt q sochein
K bura hoga
Barhte rahein bas manzlon ki aur
Kaamyabi mile na mile
Tajarba to naya hoga.
Dosto jo urne ka shoq rakhte hain
Wo dil mein phir girne ka khof nahin rakhte
Dosto aik insaan k dimagh mein
Aik din mein 50 hazaar se lekar
70 hazaar tak sochein aati hain
Aur wo sochein positive bhi hoti hain
Aur negative bhi
Lekin jeete ga kon overcome kon si soch kare gi
Jis par ham focus ziyada karein ge
Jis par ham focus karein ge
Wo soch strong hoti jai gi
Dosto paani kisi jahaz ko tab he daboo sakta hai
Jab wo jahaz k andar ghuss jai.
Bilkul isi trah
Negative sochon ko jab tak
Aap apne andar nahin ghusne denge
Un par focus nahin karein ge
Wo aap ko nuqsaan nahin pohncha sakein gi.
Agar tum us waqt muskra sakte ho
Jab tum pori trah toot chuke ho
To yaqeen jano
Dunya mein phir tumhein koi tor nahin sakta
Zindgi mein hamesha badla lene ki bajai
Badlao laane ki soch rakho
Negative soch wale log
Eent ka jawab pathar se dete hain
Aur positive soch wale log
Us phenki hoi eent se
Apne ashyana bana lete hain.
Zindgi mein ye baat hamesha yaad rakhna
K ho sakta hai
Aap ki takleef par kuchh log khush hote hon
Lekin aap ki khushi ki waja se
Kisi ko takleef nahin honi chahye
Kisi ne aik darwesh se pochha k
Dunya mein sab dukhi q hain
Darwesh ne hans kar jawab diya
K khushyan to sab k paas hain
lekin aik ki khushi
Dosre ka dard ban jaati hain.
Hamesha yaad rakhna k
Jis trah aap kheit ki safai nahin karein ge
Us mein beej nahin dalein ge
To us mein ghaas phons he uge gi
Jo aap ki fasal ko tabha kar degi.
Bilkul isi trah
Agar aap apne dimaagh mein achhi sochein
Nahin daalein ge
Buri nakara aur negative sochon ko
Bahir nahin nikalen ge
To aap aik negative insaan ban jain ge
Is liye hamesha positive sochein
Har cheez ka aik roshan pehlo zaror hota hai
Agar aap k hisse mein raat aye hai
To aap k hisse mein chaand bhi to hoga.
