How To React Someone Insult You In Hindi Dealing With Rude People Powerful Motivation
how to react someone insult you. how to dealing with rude people . Agar koi aap ki insult kare aap ko dukh pohnchai to use handle kese karein.
Dealing With Rude People
Agar aap kisi k saath bura nahin karte
Phir bhi aap dukhi rehte hain
Log bila waja he aap ko dukh pohnchate hain
Aap ka mazaaq uraate hain
Aap ki insult karte hain
To aap ko kiya karna chahye
Aap aise logon se kese bach sakte hain.?
Aap ye 3 kaam karo.
No.1. Pehla Kaam
Dosto sab se pehli baat ye k
Logon se hamein dukh tab pohnchta hai
Jab wo ham par tanqeed karte hain
Aur hamein lagta hai k ye ziyaadti hai
Wo bila waja he hamein hamare kaam ko
Bura bhala keh rhe hain
Lekin aap ye baat hamesha yaad rakhna k
Tanqeed hamesha haarne wale karte hain
Agar koi aap par tanqeed kare
To samajh lein
Wo apne aap ko aap se
Boht peechhe samajhta hai
Both neeche samajhta hai
Aise log negative hote hain
Is liye unhein dosron ki insult karne ka mazza aata hai
Is liye aap un ki baton ko
Dil se lagana chhor dein
Muskrain aur aage barh jain.
Chehre par muskrahat saja kar rakho ge
To dunya bhi saath degi
Warna aanson ko to
Aankhon mein bhi jaga nahin milti.
Agar koi aap ke bare mein achha nahin sochta
To ye us ki soch hai
Ye Us ki problem hai
Aap ko is se koi farq nahin parna chahye
Koi bura sochta hai to sochta rhe
Koi bura kehta hai to kehta rhe.
Kahan milta hai ajkal koi samjhne wala
Jo bhi milta hai
Samjha kar chala jata hai
Agar aap unse behes mein par jain ge
To kuchh hasil nahin hoga
Aap bas apne aap par focus karein
Apne upar aitmaad rakhein
Jo cheez aap k liye achhi hai
Wo achhi he hai
Koi agar use bura samjhe bura khe
To aap ko us se koi farq nahin parna chahye
No.2. Dosra Kaam
dosto dosri baat ye k
Agar log aap k saath achha karein ge achha rhen ge
To aap khush ho jain ge
Aur kisi ne agar kuchh bura keh diya
Kuchh Bura kar diya aap ki baat nahin maani
To aap dukhi ho jain ge
To is ka ye matlab hai k
Aap ne apne aap ko
Wo katputli bana liya hai
K jis k sukh aur dukh auron k haath mein hain
Aap auron ki waja se khush hote hain aur
Auron ki waja se he dukhi hote hain
Aap ka khud par koi control nahin.
Dosto apni khushyon ko kabhi bhi
Logon k haath mein mat do
Q k wo unhein gira denge
Gira denge aur tor denge
Apne aap ko aisa banao
K koi aap ko dukhi na kar sake
Apni zindgi ka apne dukh aur sukh ka control
hamesha apne haath mein rakho
khud ko machas ki tili na banao
k jo zara sir ragar se sulag jao
balke us samndar ki trah raho
jis mein koi jitney bhi pathar phenk le
wo purskon he rehta hai
dosto jis din aap apni hansi k maalik
khud ban jao ge
tab aap ko koi bhi rula nahin sake ga
No.3. Teesra Kaam
Dosto teesri baat ye k ye zindgi ki karwi sachai hai k
Ham khud ko nahin badlte
Lekin auron se expect karte rhte hain k
Wo apne aap ko badal lein
Wo us trah k ban jain
Jis trah k ham chahte hain
Un ke jin kaamon se jin baton se
Hamein dukh pohnchta hai
Wo un kaamon ko chhor dein
Aur phir ham khush ho jain ge.
Dosto ye baat hamesha yaad rakhna k
Har insaan ka aik basic nature hota hai
Jis ko ham uski fitrat kehte hain
Aur wo kabhi nahin badlti
Is liye zindgi mein agar khush rehna hai
To dosron ko badlne ki bajai
Apne aap ko badlna shuro kardo
Khud ko badlna shuo kardo
Agar logon k rawyon par afsos karo ge
To aap ko dukh hoga aur hota he rhe ga
Agar unhein badlne ki koshish karo ge
To bari mushkil ho jai gi
Aap ko kaamyabi nahin mile gi
Wo to aise he rhein ge
Phir chahe wo koi aap k ghar mein hai
School mein college mein ya office mein hai
Is liye un ko badlne ki bajai
Apne sochne ka andaaz badlo
Un se thora faasla rakh lo
Jab shahid ki makhi k chhate k paas jao ge
To wo dang to mare gi
Shahid ki makhyon k dang se bachna hai
To Chhate k paas jana band kardo
problem solve ho jai gi
Lekin agar aap chhate k paas bhi jao
Aur Shahid ki makhi se expect bhi karo
K wo aap ko dang na mare
Wo apne aap ko badal le to aisa nahin hoga.
