Life Lesson Zindagi Ka Sabaq
aaj ham baat karen ge Life lesson Zindgi ka sabak Zindgi ka sab se Bar’ra sach
Sachi aur talakh baatein
Aaj Mein Jeo
Hamesha aaj mein jeena chahye.
ham ya to maazi mein rehte hain ya future k fikir karte rehte hain,
lekin hamare paas sirf aaj ka din hota hai.
Life lesson Zindagi ka sabak ye hai k
jo kuchh bhi hamare saath ho raha hai,
usey pori trah se apnain.
Jab ham apne aaj ko pori trah se apnate hain,
to ham apni zindgi mein sukoon aur khushi
la sakte hain.
Zindagi ka Safar
Zindgi k safar mein
Bas itna he sabaq seekha hai
K sahara to sirf koi koi deta hai
Par dhakka dene k liye
Har shakhs tayar betha hai
Is liye zindgi mein jeena hai
To apni peeth ko mazboot he rakhye ga
Q k shabashi tak to theek tha
Lekin log
Khanjar maarne k bhi moqe dhond rhe hain
Jo log mujhe ghalat samjhte hain
To samjhein
Mujhe bura nahin lagta
Q k wo log bas mujhe
Utna he samjhte hain
Jitni k un mein samjh hai.
Ye jo mere halaat hain
Ye to aik na aik din sudhar he jain ge
Magar tab tak kai log
Mere dil se utar jain ge
Aik mein hon jo khud ko
Samjh nahin saka aaj tak
Aur aik log hain
Jo mujhe na jane kiya kiya
Samjhte hain
Karte hain meri kamyon ka bayaan is trah
Log apne kirdar mein farishte hon jese
Mere lehje mein bas
Jee hazoor nahin tha
Is k ilawa to
mera koi qasoor nahin tha.
Boht qareeb se dekha hai
Is dunya ko ham ne
Is liye ab
Thora sa dor ja kar bethe hain
Saanpo k mukadar mein wo zehr kahan
Jo insaan adawat mein ugalte hain
Kuchh log hamari nafrat k qabil bhi nahin hote
Aur ham un par apni mohobat zaya kar dete hain
Baaz logon k dilon mein
Waqi soraakh hote hain
Jitni bhi mohbtein daal lein
Wo khaali he rehte hain
Fitrat to kuchh yon bhi hai insaan ki
Barish khatam ho jai
To chhatri bojh lagne lagti hai
Ye zindgi ki karwi sachai hai
K kuchh log zarorat k waqt
Zarorat mand ban jate hain
Zarorat khatam hone par
Ghairat mand ban jate hain
Lekin ahsaan mand kabhi nahin bante
Paisa zindgi ki kamzoryon mein se aik hai
Aik baar muthi mein band kar liya jai
To chhorne ko jee nahin karta
Maine kuchh aise bhi ghareeb dekhe hain
Jin k paas paison k siwa kuchh nahin hota
Ham zindgi mein itne masrof ho gai hain
K apne piyaron ko
Tohfe mein ghari to de sakte hain
Magar waqt nahin de sakte
Is liye zindgi ko jeena hai to
Dosron k saath jeo
Sachi khushi chahye
To kisi k chehre par
Hansi bikheir kar to dekho
Tumhare dil ki chhubhan bhi zaror kam hogi
Kisi k paon se
Kaanta nikaal kar to dekho
Apne baare mein agar kisi se pochhna hai
To bas
Thori der apni ankhein band karo
Aur apne zameer se pochho.
