अगर जीना है तो शेर की तरह जियो। – Lion Attitude in Hindi motivational Speech About Success
agar zindgi mein jeena hai to shair ki trha jeo lion attitude kiya hai aaj k is article mein ham log jaane ge
Sheep Attitude
Sheep(bheir) hamesha apne leader ko follow karti hai
Apne age chalne wale ko
Use nahin pata hota k wo kaha ja rahi hai
Wo hamesha bina soche samjhe
Bina jane sar jhokai chalti rhti hai
Chahe use kaatne k liye he
Q na le jaya ja rha ho
Aap chahe use slaughterhouse bhi le jao
Wo chalti jaigi wo chahe mar he q na jai
Kuchh bhi ho jai wo hamesha follow karti hai
Q k wo nahin janti k qayadat
Kise kehte hain
Wo kabhi bhi lead nahin karti.
अगर जीना है तो शेर की तरह जियो। – lion Attitude
Jabke aik lion hamesha lead karta hai
Wo apna raasta apna shikaar khud chunta hai
Aur Us ki waja uska us ka attitude hai
Aur yehe cheez use jangal ka raja bnati hai
Wo lead karna janta hai
Wo janta hai k yahan himmat chahye
Apna raasta khud chun’ne ki himmat
Yahan taqat chahye
Dat kar khare rhne aur apni
Zindgi ki jang larne k liye
Chahe sab aap ka saath chhor jain
Chahe koi bhi aap k saath na rhe
Phir bhi akhri dam tak larne ki himmat
Aik lion jangal k janwaron mein sab se lamba nahin hota
Na he wo size mein sab se bara hota hai
Aur na he wazan mein sab se ziyada hota hai
Aur na he wo sab se ziyada smart aur zaheen hota hai
Phir bhi jab wo samne ata hai to
Sab janwar jaan bachane k liye
Bhaag jate hain
Us ki waja us ka attitude hai
Lion attitude .
Attitude us cheez ka naam hai
Attitude us cheez ka naam hai
Jo tum apne baare mein sochte ho
Jo tum karte ho aur
Jo tum apne baare mein mehsos karte ho
Jo tumhara khud par yaqeen hai
Jo tumhara Belief hai
Belief mein itni taqat hoti hai
K ye aik haathi ko
Bakri ki trah sochne par
majbor kar deta hai
ye aik taqatwar haathi ko
lion se darne par majbor kar deta hai
ye attitude he hai
jo bare bare bhaari bhar kam
aur taqatwar janwron ko majbor karta hai
k wo lion ko jangal ka raja mane
us ki izat karein
jese lion agar haathi ko dekhta hai
to sab se pehli cheez
pehla lafz jo us k zehn mein ata hai
wo hain lunch mein ise kha sakta hon
aur ye cheez lion k andar
bahadri paida karti hai
jab k haathi chahe lion se jitna marzi
bara, taqatwar aur zaheen ho
lion ko dekh kar pehli cheez, pehla khayal
us k zehn mein yehe ata hai
k ye mujhe kha sakta hai
aur ye cheez haathi k andar
dar paida kart hai
q k ye matter nahin karta
k aap kitne bare hain
kitne mazbot,taqatwar aur zaheen hain
aap k paas kitni degrees hain
matter ye karta hai
k aap ka khud par yaqeen kitna hai
aap apne baare mein kiya sochte hain
aap ka belief aap ka attitude he
aap ko chhota ya bara bnata hai
aap ka attitude he aap ko zindgi mein
aage barhne mein madad karta hai
aap ko sahara deta hai
jab bbhi aap girne lagte ho
jin ka lion attitude hota hai
wo izat dhondte nahin
izat karwana jante hain
wo jante hain k unhein kon sa
raasta chun’na hai
wo apni taqat ko pehchante hain
wo jante hain k un kliye sahi kiya hai
chahe koi bhi un par yaqeen na kare
wo apne dil ki awaz sunte hain.
Apni zindgi lion ki trah guzarni hai
ya bheir Ki trah
Faisla aap ne he karna hai
Aik lion ki trah lead karna hai
Aur zindgi ko apni marzi se guzarna hai
Ya aik bheir ki trah follow karna hai
Logon ki raiy ko, logo k faislon ko
Aur logo ki marzi k hisaab se
Zindgi guzarni hai
Zindgi mein wo ban’na hai
Jo log chahte hain
Ya wo ban’na hai
Jo aap chahte ho
Jo aap k dil ki awaaz hai
Hamesha yaad rakhna k ye aihm nahin
K koi aap k baare mein kiya sochta hai
Aihm ye hai k aap apne baare mein
Kiya sochte hain.
