Power of words
Dosto taqatwar shakhs to aap ne zindgi main both se dekhe honge
Ya un ke bare main suna hoga jinho ne apni quwat aur taqat ke
Balbotey par apni slahyton ka loha manwaya aur dunya aaj bhi
Unhein yaad karti hai doto jab bhi aap taqat ya power ka lafz suntey
Hain to kiya aap ke zehn main bhi aisi he koi tasweer ubharti hai
Aik taqatwar shakhs ki.
Dosto kiya jismani taqat he asal taqat hoti hai agar aap ka jawab
Haan main hai to aap ye Article zaror Parhen kiyon ke aaj main
Aap ko aik aisi he taqat ke bare main btane jar ha hon
Jo aap ke andar moujod hai jo jismani taqat se kahin barh kar hai
Lekin aap shayad us ka Ehsas nahin lekin aaj aap ye Article parh kar
Use jaan pain ge to mere saath rahye ga.
To dosto shuro karte hain aik kahani se kuch Mendak aik jangal main
Se guzar rhe the hanste hasate muskrate sefiyaan bnate
isi hansi hansi
Main achanak he do Mendak raste mein moujod aik garhey mein gir gay
Saare Mendak jaldi jaldi us garhey ke gird akhtey ho gay jab unhon ne
Dekha garha to bohot he ziyada gehra hai aur wo ye baat jaan gay
Ye dono Mendak ab kabhi is garhey se bahir na askein gay to wo dukhi
Ho gay unhon ne afsos ke saath andar girey hoy Mendak jo ke bahir
Nikalne ki koshish kar rhe they un se kaha ke tum bahir nikalne ki koshish
Mein apne aap ko mat thkao yahan se nikalna ab tumharey liye
Mumkin nahin shayad tum kabhi bhi bahir na asko lekin zindgi
To sab ko piyari hoti hai andar girey hoey Mendakon ne un ki baat
Ko nazar andaz kar diya aur bahir nikalne ki koshish tez kar di
Wo zor se jamp lagate aur kinare tak pohnch ne se pehley he
Garhey mein gir jatey bahir moujod Mendkon se unki ye takleef
Dekhna mushkil tha wo dukh bhari unchi unchi awazon ke saath
Donon Mendkon ko manna kar rhe they ke apne aap ko takleef
Mein mat daalo tumhara yahan se nikalna mumkin nahin.
Bil akhir aik Mendak ne unki baat maan li aur zindgi ki umeed chhor di
Jab ke dosre Mendak ne apni koshish aur tez kar di bahir wale
Mendak jitna us ko manna kartey utni he ziyada taqat ke saath wo
Jamp lagata aur bil akhir wo lamha agya jab Mendak ne apni pori
Quwat aur taqat ke saath jamp lagaya aur garhey se bahir nikal aya
Saare Mendak ye manzar dekh kar hairan rhe gaey wo is baat pey
yakeen nahin kar pa rhe they ke koi Mendak is qadar gehrey
Garhay se zinda bahir kese nikal sakta hai?
Lekin asal hairat to unko tab hoi jab Mendak ne bahir nikal kar
Apni hampti kampti awaz main un ka shukrya ada karna shuro kar diya
Wo un se keh rha tha ke agar aap log mujhe bahir nikalne ke liye
Motivate na kartey mera hosla na brhatey to aaj main zinda na hota
Aap logon ke darmyan na hota tab ja kar dosrey Mendkon ko ye pata
Chala ke wo Mendak to asal mein behra tha usko to sunai he nahin
Deta tha wo to unko zor zor se cheekhtey dekh rha tha unko haath
Hilatey dekh rha tha aur samjh rha tha ke wo ise Motivate kar rhe hain
Aur use bahir jamp lgane ka keh rhe hain aur ye baat uski himat ko
Barhati rahi aur use zingi ki traf le ayi.
To dosto ye hai Alfaz ki taqat aap ne dekha ke kese ye alfaz kisi ko
Mout ke panjey se chhora kar zindgi ki roshnyon ki traf la saktey hain
Aur ye taqat aap ke andar bhi hai apni is taqat ko pehchanye aur uska
Sahi istmal kijye.
Dosto aap ne wo mashhor waqia bhi suna hoga ke aik Gaoun mein
Jab logon ne kisi drakht ko katna hota to saare goun wale us drakht
Ke gird jamma ho jatey aur use bura bhala kehna shuro kar detey
Kuchh he dino ke baad wo drakht apne aap sokh jata.
To dosto zara dhiyan dejye dosron ki baat to hum baad mein karein gey
Jab aap apne aap se baatein kartey hain jab hum akele hotey hain
Jab zindgi mein koi faisla lene wala mor hota hai
koi challenge hota hai to hamesha positive rahye
apne aap par yakeen rakhye.
yakeen rakhye is baat par ke aap he wo hain
jo na mumkin ko mumkin bna sakta hai
jo logon ki soch se bhi age ja sakta hai
yaad rakhye yakeen he kamyabi ke darwazon ko kholta hai
wo yakeen jo aap ko apne aap par hai
apni salhayton par hai.
Achha sochye achha bolye achha kijye
Kamyabi hamesha aap ki muntzir hogi.
Aur meri aik baat hamesha yaad rakhna
Aap jahan chaho zameen khod lo
Khazana aap ko zaror mile ga
Shart sirf ye ke zameen kamyabi ke
Yakeen ke saath khodye
Kyon ke yakeen he sab kuchh hai.
Dosto agar aap ko is Article mein koi aik baat bhi achi lagi ho to
To is Article ko apne doston ko bhi share karna
Taa ke achhi baat aap ke doston tak bhi pohnch sakey.
