Story of an Egle-Life Lesson to Learn From an Eagle-Rebirth of an Eagle
Eagle ki story hamein sikhati hai k jab hamri zindgi mein mushklein aati hain to hamein unse kabhi bhi darna nahin chahye .
Dosto dunya mein
Urne wale har parinde k do he par hote hain
Lekin har parinda aik jitni bulandi par
Nahin ur sakta
Q k kon sa parinda kitni unchai tak ur pai ga
Ye par nahin us parinde ka attitude taiy karta hai
Kuchh parinde saari zindgi aik drakht se
Dosre drakh tak urne mein guzaar dete hain
Wo kabhi bhi hawa ka seena cheer kar
Asmaan ki bulandyon tak nahin ja paate
Wo teez hawaon ka muqabla nahin kar paate
Stor Of An Eagle
Jab k eagle hamesha teez hawao ki
Tofaan ki
Talash mein rehta hai
Jab kabhi teez hawain chalna shuro hoti hain
Badal akhte hone lagte hain
To ye Excited ho jata hai
Ye us tofaan ki traf travel karta hai
Jahan baaqi parinde tofaan se darte hain
Apni jaan bachate hain
Ghonslon mein chhup jaate hain
Ye us toofan k andar ghus jata hai
Ye un tofaani hawaon ko istmal kart hai
Aur uncha urne k liye
Aur bulandi tak jaane k liye
Dosto eagle hamein seekhata hai k
Apne raaste mein aane waale pathron
Se takra kar girne ki bajai
Un par charh kar buland hote jain
Un pathron ko apne liye rukawat
Samjhne ki bajai unhein apne liye seeryan bana lein
Zindgi mein aane waali mushklaat se darna nahin chahye
Unhein face karna chahye
Ye to aap ko kuchh seekhane k liye aati hain
Aap ko Uncha uraane k liye aati hain
Aur Dosto yehe baat eagle ko
Parindon ka raja banati hai
Eagle itna uncha urta hai itni bulandi par chala jata hai
K wo badlon se bhi upar chala jata hai
Us barish aur tofani hawa se upar chala jata hai
Wo mushkil se bachne k liye itna buland ho jata hai
K mushkil us tak pohnch he nahin paati
Dosto eagle hamein seekhata hai k
Zindgi mein jo tofaan aate hain
Mushkil waqt ata hai
Jo takleefein aati hain
Azmaishein aati hain
Un ko welcome karna chahye
Q k wo hamein mazbot banane k liye aati hain
Zindgi mein aane wale tofaanon ki waja se
ham bulandyon par ja sakte hain
is liye apni zindgi mein aane wali mushklaat se
chhupne ki bajai un se bachne ki bajai
unka saamna karein
apne aap ko itna mazbot kar lein
itna buland kar lein
k zindgi ki mushklein aur logon
k negative rawye apka kuchh na bigaar sakein.
Rebirth of an Eagle
Dosto aik eagle ki umar 70 saal k
Qareeb hoti hai
Bohot kam log jante hain k
Itni lambi umar tak zinda rehne main bhi
Aik raaz hai aik sabaq hai
Jo eagle hamein seekha kar jata hai
Dosto eagle jab 40 saal ka hota hai
To us ki chonch teri ho jati hai
Panjon k nakhun ghis jate hain
Us k par inthai bhaari ho kar
Uske seene k saath lag jate hain
Jis ki waja se use uraan bharne
Aur shikaar karne mein dushwari
Ka saamna karna parta hai
Dosto ab eagle k saamne 2 he raaste hote hain
Ya to wo bhoka mar jai
Aur ya phir
Apne aap ko badlne k liye
Aik takleef dah marhle se guzre
Aur eagle mushkil raasta chose karta hai
Wo aik unchi pahari par chala jata hai
Aur apni chonch ko pathron par
maar maar kar tor deta hai
aur phir intzaar karta hai
nye chonch k nikalne ka
wo bhoka piyasa rehta hai
jab nye chonch nikalti hai
to ye us k saath apne panjon k
ghisse hoe nakhun ukhaar deta hai
inthai dard aur taklee sehte hoe
eagle aik aik kar k apne saare
par bhi noch kar ukhaar deta hai
q k wo janta hai k agar use lambi umar tak jeena hai
to ye takleef sehni he pare gi
is takleef se guzarna he pare ga
aur phir ye wahan intzaar karta hai
nay nakhunon k nikalne ka
nay paron k ugne ka.
Aur is trah eagle ye takleef uthane k baad
Aik trah se naya janam leta hai
Aur mazeed 30 saal tak zinda reh pata hai
Dosto eagle hamein seekhata hai k
Aik achhi aur behtar zindgi guzarne k liye
Apni zindgi ko badlna bohot zarori hota hai
Chahe us k liye hamein kitni bhi
Jado jehad q na karni pare
Is liye eagle ki trah
Hamein bhi apni zindgi se
Maazi ki buri yaadon
Buri aadton ko ukhaar dena chahye
Har us cheez ko jo hamari taraqi ki rah mein
aik behtar zindgi ki rah mein
rukawat hai bojh hai
usko utaar phenkna chahye
тАЬ apne aap ko badal kar he
ham aik behtar zindgi guzaar sakte hain тАЭ
