Study Hard Motivational Speech for Students
kabhi kabhi aisa hota hai k parhne ka dil nahin karta hala ke tum jaante ho k parhna tumhare liye zarori. To pareshaan na ho Study hard motivational speech for students ye tumhare liye hai jo tumhein parhne par majbor kar degi to chalo start karte hain apna topic.
Mujhe To Kuchh Samajh Nahin Aata
Yaar kiya karon
K parhne ka dil nahin karta
Janta hon k parhna zarori hai
Imthaan sar par hain
Ab nahin parhna to kab parhna hai
Kitaab le kar bhi bethta hon
K aaj se parhai shuro karni hai
Lekin baar baar dhiyaan mobile ki traf chala jata hai
Mobile par agar motivational video bhi dekh lon
To us ka asar bhi 5mint se ziyada nahin rehta
Kiya karon mein mujhe to kuchh samjh nahin aata?
Tujhe Kab Samajh Aye Gi?
Dost tujhe tab tak samjh nahin aye gi
Jab tak to koi sapna nahin dekhe ga
Jab tak to ye nahin soche ga
K tujhe zindgi mein kiya karna hai
Kiya saari zindgi maa baap k paise par guzare ga?
Kiya tum nahin chahte k tumhari bhi koi izzat ho
Tumhara bhi naam ho
Tum bhi life mein kuchh ban pao
Kuchh kar pao?
Aur ye tab tak nahin hoga
Jab tak to koi sapna nahin dekhe ga
Kuchh ban’ne ka kuchh kar guzarne ka
Hamesha yaad rakhna k
Kaamyabi koi bhi plate mein rakh kar nahin deta
Kaamyabi hasil karne k liye
Raaton ko jaagna parta hai
Neend se larna parta hai
Khon paseena aik karna parta hai
Aur tum kiya samjhte ho k
Ye sab asaani se mil jai ga?
Kal Parhon Ga
Kal parhon ga
Parson parhon ga
Agle hafte se shuro karon ga
Kab tak kal kal karo ge
Aik din wo bhi aye ga
K tum marne wale hoge
Kiya us din bhi yehe kaho ge
K aaj nahin kal maron ga
Kal ka socho ge
to kal bhi yehe socho ge
jo karna hai aaj karo
jo parhna hai aaj parho
sapne agar dekhe hain
to unhein sach kar k dikhao
zindgi mein agar jeetna he hai
to khud se jeet kar dikhao
Kiya Tum Ne Kabhi Socha?
kiya tum ne kabhi socha
apne borhe baap k baare mein
jo din raat mehnat karta hai
tumhare school ki college ki fees bharne k liye
aur tum school mein moj masti kar k aajate ho
doston k saath apna time barbaad karte ho
kiya tum ne kabhi socha
apni maa k baare mein
k use tum se kitni umeed hai
wo tumhare liye jeene marne ko tayyar hai
aur tum un k liye 5mint parhne ko tayyar nahin
aaj tum apni zindgi k baare mein soch lo
k tum ne zindgi mein kiya karna hai
aaj tumhare paas waqt hai
kuchh karna hai to aaj he kar lo
kal ho sakta hai k tum kuchh karna chaho
lekin tumhare paas waqt he na ho.
Kuchh log sote hoe sapne dekhte hain
Aur kuchh logon k sapne
Unhein sone nahin dete
U k andar aag lagi hoti hai
Apne sapnon ko pora karne ki aag
Hamesha yaad rakhna k
Diye ko bhi roshni dene k liye
Pehle khud jalna parta hai
Aap bhi apne liye
Motivation ka koi source dhond lo
Apne andar bhi koi aag lagao
Koi na koi kuchh na kuchh aisa dhond he lo
Jo tumhein parhne par majbor kar de
Aur kuchh nahin to apni auqaat k liye he parh lo
Jo log tumhein baatein karte hain
Tumhein taane maarte hain
Ye kehte hain k
Tum kuchh nahin kar pao ge
Unhein jhota saabit karne k liye he parh lo
Kiya Ye Waja Kafi Nahin?
Koi na koi waja to dhondo
Apne maa baap k liye parh lo
Un ki umeed ho tum
Un ko he zindgi mein kuchh ban kar dikha do
Taa ke wo tum par fakhar kar sakein
Apna seena chora kar sakein
Kiya ye waja bhi tumhare liye kaafi nahin
Kiya ye waja bhi tumhein josh nahin dila sakti.
Dosto zindgi aik baar he milti hai
Isko jeena chahye
Sirf apna waqt he pora nahin karna chahye
Aur jeena hai to izzat se jeo
Tumhare andar bohot potential hai
Mujhe patta hai
Tum bohot qaabil ho
Karna chaho to kuchh bhi kar sakte ho
Jo kaam bhi tum shoq se karte ho
Us ke peechhe par jate ho
Parhna chaho to parh sakte ho
Is liye mazeed time waste na karo
Aur aaj se he abhi se parhai shuro kardo
Article ko parh kar band karo
aur parhna shuro karo
Aisa kuchh kar jao k log tumhein yaad rakhein
Aisa kuchh kar jao
K jo aaj tumhein taane dete hain
Ye kal tum se haath milaane k liye ayen
Aur hamesha ye baat yaad rakhna k
Zindgi mein kabhi seekhna na chhorna.