Zindgi ke karwe sach jo aap ko jeena sikha dein
zindgi k karwe sach hamein dard aur mushklaat k zarye asli jeene ka tariqa seekha dete hain. Ye sach hamare andar ki taqat ko jagate hain aur hamein apni asli manzil tak pahuchane ka raasta dikhate hain. Aaj ham unhi sachayon ka zikir karenge jo aap ko apni zindgi ka asli maqsad samjhane ka hosla deti hain.
Zindgi Ki Asal Khobsurti Kiya Hai?
Dosto zindgi ki asal khobsorti ye nahin
K aap kitne khush hain
Asal khobsorti to ye hai
K log aap se kitna khush hain
Apni khushi k liye to sabhi jeete hain
Kisi dosre ki khushi k liye jeo ge
To kamala kar do ge.
Dosto kabhi bhi kisi ki majboryon par na hansye
Q k majboryaan koi khareed kar nahin lata
Darye borre waqt ki maar se
Q k bura waqt kabhi pochh kar nahin aata.
Zindgi mein agar khush rehna hai
Aur hamesha aage barhna hai
To dosron ki baton ko dil se lagana chhor do
Aur apne ghusse par qabo pana seekh lo
.
Q k insaan ki fitrat he kuchh aisi hai
K jab uski zarorat badal jati hai
To uska aap se baat karne ka
Andaz bhi badal jata hai
“Mana k zindgi ki rahein kuchh asaan nahin
Par muskrat kar chalne mein koi nuqsaan nahin”
Rishton K Kamzor Hone Ki Waja Kiya Hai?
Rishte kamzor hone ki aik bari waja ye hai
K ham rishton ko nibhate kam hain
Aur aazmate ziyada hain
Hamari nazar logon ki khobyon par nahin
Balke logon k aibon par hoti hain.
Hamesha ye baat yaad rakhna k
Rishte ko agar mazbot karna ho
To aib ginwai nahin jate
Balke chhupai jate hain.
Takleefein Q Aati Hain?
Kuchh takleefein hamara imtihan lene k liye nahin
Balke apne saath jur’re logo ki
Pehchaan karwane aati hain.
Is liye takleefon par afsos karne ki bajai
Un mein chhupe sabaq ko talash karna chahye.
Dosto zindgi ka ye karwa sach hai
k log chai ki trah hote hain
jinhein jab tak kholte hoe paani mein na dala jai
un ke asal rang ka patta nahin chalta
“mehfil mein chal rahi thi hamare qatal ki tayyari
Ham pohnche to bole bari umar hai tumhari”
Is liye dosto apne aap ko itna bhola rakho
K kisi ka bura na karo
Aur apne aap ko itna chalak zaror banao
K koi aap ka bura na kar sake
Aur is cheez ki kabhi parwa mat karna
K koi tumhari burai kar rha hai
Q k burai wohe karta hai
Jo barabri nahin kar sakta.
Zindgi mein apna pan to
Har koi dikhata hai
Par apna kon hai
Ye waqt he batata hai
Aur akhir mein bas itna he kehna chahon ga
Zindgi Mushkil he sahi magar
guzara kijye
guzaar dijye
q k roye bina to piyaz bhi nahin kat’ta
ye to zindgi hai janab.
