Zindgi Ki Haqeeqat Jise Samajh kar Aap Apni Zindgi Badal Sakte Hain
Zindgi Ki Haqeeqat samajhna har insaan k liye ahm qadam hai, jo unhen apni zindgi mein sachai aur khushi ka asli matlab samajhne mein madad karta hai.hum sab apni zindgi mein kai mushklaat,challenges aur musibatein face karte hain,lekin jab hum zindgi ki haqaaqat ko samajhte hain, to ham apne har lamhe ko behtar tareeqe se jeene ki koshish karte hain.
Zindgi ki asli soorat tab samajh mein aati hai jab hum apni priorities ko sahi tareeqe se set karte hain, apne goals par focus karte hain, aur apni asli khushi ko dhondte hain, is post mein hum zindgi k asli pehlo samajhne ki koshish karenge,jis se aap apne jeene k tareeqe ko badal sakte hain.
Zindgi ki ahmyat
Log piyar ke liye hotey hain aur
Chezein istmal ke liye
Baat tab bigarti hai
Jab cheezon se piyar kiya jai
Aur logo ko istmal kiya jai.
Insane do tarikon se badalta hai
Ya to wo khud badal jai
Aur ya waqat use badal de
Dosto apne aap ko khud he badal lo warna
Waqt ne agar badla to bari takleef hogi
Q k zindgi ustad se ziyada sakht hoti hai
Ustad sabaq de kar imtihan leta hai
Aur zindgi imtihan le kar sabaq deti hai.
Hamesha yaad rakhna
Ke aap zindgi mein kabhi kamyab nahin honge
Jab tak soraj aap ko jagata rahe ga
Agar kamyab hona chahte ho to
Soraj nikalne se pehle jagna shuro kar do
Zindgi ki jang agar jeetni hai to
Pehle soraj ko harana hoga
Apni zindgi ka control hamesha apne he haath mein rakhna
Q k tum apni gaari ko kese chalao ge
Aur koi dosra kese chalai ga
Is mein zameen asman ka farq hota hai
Is liye apni zindgi ki gaari ko
Kabhi bhi ghalat haathon mein na dena.
Zindgi mein agar aap mur mur kar pichhe dekhtey rahein gey
To kabhi age nahin barh sakein gey
Aagey barhne k liye aap ko aagey dekhna hoga
Q k aap ki manzil aap k samne hai pichhe nahi
Zindgi Mein Koi Dhoka De
Agar koi shakhs jis par aap sab se ziyada bharosa kartey hon
Wo aap ko dhoka de dey
Ya aap ki zarorat k waqt palat jai
To ye mat shochna
K wo insan badal gaya
Haqeeqat to ye hai k us ka naqab utar gaya
Dosto jab bura waqt aata hai
To aise logon k naqab utarte hain
To ye bura waqt, bura waqt nahin hai
Q k is ne aap ko ache bure ki pehchan karwa di
Is ne aap ko bata diya ke aap ghalat shakhs par
Bharosa kar k bethe they.
Dosto zindgi mein dhoke hote rehte hain
Log bhi benaqab hote rehte hain
Har cheez ko jaan ka rog na bnao
Muskrao aur aage barh jao.
Hum faqeeron ki sorat par na jana
Hum kai roop dhaar lete hain
Zindgi k udas lamhon ko
Muskra kar guzar lete hain.
Hamesha yaad rakhna k zindgi aap ko kabhi kuchh deti nahin
Ye bas aap ko wo lotati hai
Jo aap ne use diya hota hai
Is liye zindgi se kabhi kuchh mat mango
Bas jo aap ko chaye wo ise dena shuro kardo
Agar piyar chaye to logon main piyar
Bantna shuro kar do nafrtein banto gey
To nafrtein he milein gi.
Jin logo ko apni taqat ka ehsas
Logon ko takleef pohncha kar hota hai
Logon ko takleef de kar wo apne aap ko
Taqatwar mehsos kartey hain
Wo log andar se inthai kamzor hote hain.
Agar kisi shakhs ki bahadri ka andaza lagana hai
to is baat se lagao
k wo maaf karne mein kitni jaldi karta hai.
Borrey logon ko bhol kar
Achhe logon ki talash karne se kahin behter hai
K hum logon ki burri baatein bhol jain
aur unki achhi baaton ko yaad rakhein
q k nakhun jab barh jain
to nakhun he kaat te hain ungliyaan nahin
bilkul isi trah jab kisi rishtey mein ghalt fehmyaan
paida ho jain to ghalt fehmyaan khatam ki jati hain
rishtey nahin.
Hum Ne kiya Seekha
- Is article mein hum ne seekha Log Piyar k liye Hote Hain aur cheezen istmal k liye
- Kanmyabi k liye soraj nikalne se pehle jagna hoga
- Apni zindgi ka control apne hath mein rakhna
- Zindgi mein dhoke hote rehte hain aur log bhi benaqab hote rehte hain har cheez ko jan ka rog na bnao muskrao aur aagey barh jao.
- Agar rishton mein ghalat fehmi paida ho jai to ghalat fehmi khatam ki jati hai rishte nahin