Zindgi Ki Karwi Sachayaan Dunya Jab Dukh De To Kiya Karein?
Zindgi kabhi bhi hamari soch k mutabik nahin chalti.har insaan apni zindgi mein kuchh aise lamhe guzarta hai jab dunya usey dukh de, aur us k saamne zindgi ki karwi sachayaan ubhar kar aati hain. ye sachayaan hamein apne jazbaat, dard aur dukh k saath jeena sikhaati hain. Zindgi ki karwi sachayaan dunya jab dukh de aik aise jazbaat ka izhaar hai jo har insaan ko kabhi na kabhi apni zindgi mein zaror mehsos hota hai.
Rishton K liye Jhukna Pare
Dosto khush naseeb wo nahin
jis ka naseeb achha ho
Balke khush naseeb to wo hai
jo apne naseeb par khush ho
agar ghamon ko bhula kar aage barhte jao ge
to ho sakta hai wo sab bhi paa lo jo kho gya tha
leki agar us dukh ko saath le kar chalo ge to phir
baaqi ki zindgi khud apne haathon se kharab kar lo ge
is liye dosto zindgi k har mor par sulah karna seekho
q k jhukta wohe hai jis mein jaan hoti hai
akarna to murde ki pehchaan hoti hai
is liye rishton ko sanbhalne k liye agar
jhukna pare to jhuk jain.
insaan ki fitrat bhi bari ajeeb hai
ise apna dukh bhi dard deta hai
aur dosre ka sukh bhi dard deta hai.
Dosto zakham wohe achha hai jo chhupa liya jai
Jo bata diya jai wo tamasha ban jata hai
Is liye apna gham har kisi ko na batain
Q k log zkhamo par marham rakhne ki bajai
Un par namak chhirak kar khush hote hain
Aap logon k saath bhalai karte jain
To wo us ko apna haq aur aap ki kamzori samjhne lagte hain.
Kon kehta hai k
Insaan rang nahin badalta
Kisi k monh par aik baar sach bol kar to dekho.
Hamari Mushklein
Dosto ye zindgi ka karwa sach hai k
Hamari mushklein itni bari nahin hoti
Jitna barra ham unhein bana lete hain
Hamein ye hamesha yaad rkhna chaye k jis trah
Pat jhar hoe bina darkht par naye patte nahin aate
Isi trah azmaishon aur mushkilon k bina
Ache din bhi nahin aate.
Dukh Aur Gham
Dosto har insaan ki zindgi mein kabhi na kabhi dukh ka waqt zaror aata hai.
aksar ham dukh bhari yaadon se bhaag nahin sakte,
Aur inhin ghamo ki waja se ham zindgi ki asli sachayon ko samajh paate hain.
Jab dunya hamein dukh de tab ham seekhte hain k zindgi ko kaise apnain kaise jein
aur kis trah apne jazbaat aur dard ko samjhein.
Zindgi Ka Asol
Apni zindgi ka ye asol bana lo
K logon se kabhi izzat mat mango
Balke kaam aise karo
K wo tumhari izzat karne par majbor ho jain.
Is liye dosto khud ko sanwarne mein itne masrof ho jao
K tumhein dosron par tanqeed karne
Ki fursat he na mil’le.
Zindgi ka ye karwa sach hai k waqt beet jai to log bhula dete hain
Bewaja apnon ko bhi rula dete hain
Jo diyya raat bhar roshni deta hai
Subha hote he log use bujha dete hain
Ye baat hamesha yaad rakhna k
Kuchh log apko dard k siwa kuchh nahin dein gey
Chahe aap unhein apna sab kuchh de do
Seekhna Aur Growth Karna
Dosto Zindgi k har Dukh se seekhna zarori hai.
Jab ham apni struggles ko samajhte hain,
to ham apne aap ko emotionally strong banate hain.
har dukh ka aik faida hota hai jo hamari zindgi ko behtar banata hai
Conclusion
Dosto zindgi ki karwi sachayaan hamein apne emotion,
apne jazbaat aur dukh samajhne mein madad karti hain.
jab dunya hamein dukh deti hai,
to ham apne aap ko ek naye tareeqe se dekhte hain aur seekhte hain k
kaise ham apni struggles se uth kar apni zindgi ko behtar bana sakte hain
zindgi k har mor par apne jazbaat aur dukh ko samajhna
aur unhein handle karna zarori hota hai.
Har karwi sachai se ham apne aap ko behtar bnane ka moka paate hain
